詩中有畫、意境優美的台語詩

與大家分享三首詩中有畫、意境優美、令人動容的台語詩，
詩人是我們合唱團的團員: 王英石醫師。

做伴(台語音)

落雨暝，在書房，
阿爸與我 聽外面
香蕉林的雨聲。
圍著爐火，捧著
熱滾滾的龍眼乾茶 茶杯，
阿爸閣給我放一片薑，
續下 講往事。

今暝香蕉林，閣吹風落雨。
阿爸 我來看汝，
櫸雨傘，遮墓碑，
怕汝無伴 怕汝冷。
想聽汝講古，
聽汝罵一聲 憨孩子!


日月潭的雨(台語音)

千山圍著 日月潭，
湖邊部落 厝頂紅。
白雲湧出 掛山腰，
問雲欲轉 去叼落？

我真向望 有阮兜，
水邊小屋 伊聽候。
秋風，杵聲 觀月娘。
心清快樂 比神仙。

忽然陣風 山雨到，
枝葉搖剉 花礚落，
連峰失踪 湖茫茫，
像我戀情？像我夢？

我緊打拼 抱緊夢，
我信風雨 總會停，
連峰彩虹 天高高，
日頭閣照 日月潭。

落雨暝(台語音)

含目屎的目神, 細聲的哀怨，總是會想起。
那日落雨暝，汝留落來的物，汝留落來的物。
梧桐樹林 汝行去，雨聲直直落。

含目屎的目神，細聲的哀怨，總是不忘記。
今暝閣落雨，住客舍，聽雨聲，直直落，一直落，
敢是汝的目屎落？纏緊我心肝。