台語文創作詩分享─作者王英石(合唱團團員王醫師)

日月潭的雨(台語音)
創作者：王英石

千山圍著 日月潭，
湖邊部落 厝頂紅。
白雲湧出 掛山腰，
問雲欲轉 去叼落？

我真向望 有阮兜，
水邊小屋 伊聽候。
秋風，杵聲 觀月娘。
心清快樂 比神仙。

忽然陣風 山雨到，
枝葉搖剉 花礚落，
連峰失踪 湖茫茫，
像我戀情？像我夢？

我緊打拼 抱緊夢，
我信風雨 總會停，
連峰彩虹 天高高，
日頭閣照 日月潭。


落雨暝(台語音)
創作者：王英石

含目屎的目神,
細聲的哀怨，
總是會想起。
那日落雨暝，
汝留落來的物，
汝留落來的物。
梧桐樹林 汝行去，
雨聲直直落。

含目屎的目神,
細聲的哀怨，
總是不忘記。
今暝閣落雨，
住客舍，聽雨聲，
直直落，一直落，
敢是汝的目屎落？
纏緊我心肝。